kokthaini lamo angle mithigo
mokol mwnago swbale kiphil?
mukumo kubulsai khano methebo
uphilwi angle muito manphiro.
dasa-damara jorabai khibijak,
muito mano hukni muikwthwng-
khorang hachukni khunju nangphaya
jorano naharwi bwswkb khatung!
twinarni para muito manphiro,
kwrwi o jora torokha muito.
komorkha raida tiprasani,
kwlangkha moktwi mokol ario.
lama besero bwswk kesepkha!
chini kwpalo jwngjal nangphawi.
boyar surubwi langma kwchngya,
muito mansaowi moktwi yorsaowi.
sakmang langmano logi rwliya,
khapang thwiruru thango borsaowi
kaslei kwlaio langma kwcharo,
uasung romwibo bidi chaliya.
No comments:
Post a Comment