Nuktikhe nono,
Bwkha ganao sano.
Yapri yangobo kisa seowi naidi.
Emangno mwkthangkhe mankhamo.
Khakhai khe nono,
O watwi jorao.
Bwlai bai baksa ani mokolno misiowi.
Manna muchungo nini hamjakma mayano.
Kwchang sanjao malaikhe nono
Khumbar kholwi rwkhamo,
Mwchangwi nwng o jadu-
Khakao, o sanja da mwchangwi paino!
Khatangwi nono.
Nini koktwino,
Jora kwtalo angle kubulwi,
Beraio bwkha, nini-ani jorano.
Naisingwi nono,
Emang bai mwkthango,
Nwngba khao mithikyade?
Khao kiphilwi nini-ani kothomano!
